once upon a piece of paper

if there's one thing i can't stand, it's up

2009-01-13T10:42:26Z

Det er visst no eg skal angre på at eg aldri skreiv brev til Arne Næss.

i woke up with the power out

2007-07-06T00:55:06Z

Aurora var min gamle mobiltelefon. Aurora hadde karakter. Aurora var fargerik, alltid til å stole på. Aurora kunne til og med opne flasker, sjølv om ho rett som det var slokna etterpå. Det er vel slik det er med telefoner og alkohol. Dei tåler ikkje så mykje. Men på Hove skjedde altså det tragiske. Det unemnelege. Aurora forsvann. Og ho var ikkje til å oppdrive att. Etter over to og eit halvt års trofast følgje måtte eg innsjå at det var over. RIP Aurora.

Å seie at denne lille, grå saken er min nye flamme vil vere å ta svært hardt i. Det kjem til å ta tid å kome over Aurora. Men ein rebound-girl skal ein jo ha. Og dette blei min. Ho er litt enkel. Litt keisam og grå. Men ho dekker mine behov, enn så lenge. Ein gong skal eg finne ei ny Aurora. Og då er det slutt, frøken 1110i. Då er det over.

packing up and running away

2006-12-11T08:21:52Z

Ønskeliste, ja. Kvar gong mor mi ringer meg, det vil seie kvar sundag, spør ho om eg har kome på noko eg ønskar meg til jul. Førebels er det ikkje så mykje eg har klart å kome på. Men eg får prøve å liste opp litt ymse her no, så kan bror vidarebringe ein gong det skulle passe seg sånn. Eg listar opp masse, så er sjansen større for å finne eit eller anna. Lista er for øvrig dels i prioritert rekkefølgje, men ikkje heilt.

Film/DVD:
.Typisk Norsk
.Noko av Woody Allen, minus Annie Hall, fordi den har eg.
.Noko av Monty Python, minus The Meaning of Life, fordi same as above.
.Grizzly Man, av Werner Herzog.
.Belle de Jour, av Luis Buñuel.
.Pulp sin DVD som eg heilt ærleg ikkje veit kva heiter.

Musikk-ting:
.Pulp - The Peel Sessions
.Pulp - Reissues av His 'n' Hers/Different Class/This Is Hardcore
.Og når eg først er i gong med Pulp: Jarvis Cocker - Jarvis
.The Fall - The Complete Peel Sessions 78-04
.Sonic Youth - The Destroyed Room: B-sides and Rarities
.Wu Tang-album, minus Genius/GZA - Liquid Swords og Ghostface Killah - Fishscale
.Fairport Convention - Unhalfbricking

Lesestoff:
.Thomas Pynchon - Against the day
.Johan Harstad - Herfra blir du bare eldre
.Agnar Mykle - Lasso rundt Fru Luna
.Knut Hamsun - Sult
.Pedro Carmona-Alvarez - Prinsens gate

Andre ting:
.Ullsokker, alltid fin ting.
.Lue, type Sonic Youth

Førebels er dette alt eg kan kome på. Teit å ikkje klare å finne på fleire andre ting. Eg får kome attende til det om eg skulle kome på noko meir.

there'll be no fuzz

2006-10-19T03:19:55Z

I stad var eg ein tur på det lokale supermarkedet. Eg trur for øvrig ho jenta har slutta å jobbe der, då eg ikkje har sett ho på fleire veker. Men never mind that. Eg må nesten alltid plukke med meg ein type øl eg ikkje har smakt før, fordi dei har så fint utval. I dag tok eg med meg ei flaska Unibroue Blanche de Chambly. Unibroue er eit nesten-lokalt bryggeri (frå Québec, men blei kjøpt opp av eit eller anna større bryggeri for nokre år sidan) som har usedvanleg mange usannsynleg gode øltyper på rullebladet. Førebels har eg berre prøvd fire av dei, men fleire skal prøvast snarleg. No er eg ikkje så god til å setje ord på smakar, men eg kan godt setje tal på. Tal er gøy. Difor, øltypane eg har prøvd her borte (ikkje alle for første gong), i tilfeldig rekkefølgje:
Unibroue Blanche de Chambly - 9.6
Unibroue La Fin du Monde - 9.4
Unibroue U Miel - 8.9
Unibroue U2 Rousse - 8.4
Boréale Blanche - 8.7
Boréale Blonde - 7.5
Boréale Rousse - 8.1
Molson Dry - 7.1
Heineken - 7.9
Hoegaarden - 9.4
Leffe Blonde - 9.2
St. Ambroise - 8.2
Stella Artois - 8.0
Guinness - 9.5

Det er dei eg kan kome på no. Meir Unibroue skal prøvast snarast mogleg.

if you're naked, i guess you must be unemployed

2006-09-25T02:29:08Z

Mens eg burde studere, gjer eg i staden totalt unyttige ting på fantastiske Google Earth. Til høves har eg:
-sett på flytande isfjell utanfor kysten av Grønland.
-funne ut at huset vårt heime i Stavanger ligg heilt på grensa av der dei detaljerte Stavanger-bileta slutter. På rett side av grensa. Treet i hagen vår er synleg som ein liten mørk flekk.
-med litt hjelp frå eit Google-søk, klart å finne der me var på Blåtur med Stjernesalen i mai, i Arboretet på Milde. Derav og funne Fana Folkehøgskule, som ligg like ved.
-funne det eg trur eg Mont Blanc.
-prøvd å finne hostella med budde på i Dublin og Galway då me var på tur til Irland med folkehøgskuleklassen. Feila. Hugsar ikkje heilt gatenamn og slikt.
-flydd over Vidden.
-spora opp den lille turen me gjekk oppover frå Fløyen til Bruskiosken på bursdagen min i sommar.
-studert restane av Tsjernobyl. Det var verkeleg mindre spennande enn ein skulle tru.
-prøvd å finne kor eg budde då eg var på språkreise i Torquay for ni år sidan. Men det gjekk ikkje. Torquay er berre graut.
-funne ut at bileta frå Stavanger må vere fleire år gamle, all den tid Viking Stadion ser ut til å vere under konstruksjon på bileta. Den stod ferdig for to og eit halvt år sidan.
-funne ut at bileta frå Bergen mest sannsynleg er av nyare dato, og konkludert med at det er fordi Bergen Kommune eig desse bileta. Heile den enorme kommunen har krystallklare bilete, og ein kan sjå kvart enkelt hus.
-funne Åsane Folkehøgskole. Følgt bussruta inn til Bergen sentrum.
-prøvd å finne Gjógv (frå Johan Harstad - "Buzz Aldrin, hvor ble det av deg i alt mylderet?") på Færøyane. Funne namnet (eg fann "Gjov" og tenkte at det var vel nære nok) og konkludert med at bileta frå Færøyane treng kraftig revidering. Stort sett graut.
-prøvd å finne Amazonas, men på merkeleg vis feila. Er dette mogleg?
-sett på Brasilia. Rar by. Symmetrisk lagt opp.
-leita etter saltørken i Bolivia, som G fortalde om og viste bilete frå i går. Eg gav raskt opp. Eg er ikkje lokalkjent i Bolivia.
-funne det eg trur er festivalområdet i Roskilde.

1.Bergen. I fjor hadde eg ei dagleg rute på tre etapper. Good times.

2.Blåtur. Alle drakk seg fulle og åt seg mette. Og fotball blei sparka.

3.Isfjell ved Grønland. Eg såg slike frå flyet over hit. Det liknar på isopor.

4.Mont Blanc, kanskje. Eg trur det er den høgste toppen omtrent midt i bilete.

5.Heime i Stavanger.

6.Plateau, Montreal. Teit med skyer.

7.Festivalområde i Roskilde? Eg trur det.

8.Åsane Folkehøgskole. Eg budde på internat 3. Derav innsirkla. Good times.

Google Earth er verdas beste tidsfordriv.

parce que je ne sais pas

2006-09-19T19:39:37Z

Eg har byrja bli paranoid i det siste. Difor har eg vald å filtrere vekk alle som ikkje er på vennelista mi. Om du ikkje er det, og gjerne vil vere det, så kan du til høves hoppe i det å spørje meg. Stort sett er det greit.

she likes her hair to be real long

2006-09-04T17:40:54Z

Osheaga var slik:
Dag 1.
Ver. Sol/lettskya, fint, mildt, myselys, nye solbriller. 8.7
The Stills. Høyrde dei på avstand. Fekk Joy Division-stempel i programbladet. Uforståeleg. Dei var ganske keisame. 6.1
Dinosaur JR. J Mascis har ein fascinerande hårmanke. Eg trur ikkje han såg noko som helst under mesteparten av konserten. Eg kjenner at eg burde ha høyrd meir på dei på førehand, for å ha eit betre utgangspunkt. Difor: Potensiell 8.9, men likevel ikkje meir enn 8.1.
Duchess Says. Fekk berre med meg litt. Høyrdes ok ut. Vanskeleg å setje tal på. 6.?
We Are Wolves. Programbladet gav med forventningar. Det einaste eg hugsar frå konserten er at a) dei hadde nokre tåpelege pappmasketing med seg og b) det var heilt ufatteleg keisamt. 3.1
James Chance & The Contortions. Endeleg eit høgdepunkt. James Chance er så tøff at eg trur knapt nok han skjønar det sjølv. Eg har ikkje så mykje meir å seie. 9.2, hadde vore meir om eg hadde kjent songane.
Clap Your Hands Say Yeah. Sett/høyrd på avstand, mens eg venta på Sonic Youth. Eg hugsar eg tenkte at eg kan ikkje skjøne kvifor folk høyrer på dette når det finst så mykje bra musikk der ute. 4.2
Sonic Youth. Eg trur eg smilte meg gjennom heile konserten. Type fårete "no er eg nøgd"-smil. I ettertid er eg ikkje heilt nøgd, fordi det blei litt mykje ein gjennomspeling av Rather Ripped pluss litt eldre greier innimellom. Opna lovande med Teen Age Riot og støyjam. Kim Gordon dansa som ein tolvåring. Veldig, veldig bra. Sonic Youth. 9.4

Dag 2.
Ver. Regn eller nesten regn stort sett heile dagen. Kunne vore betre, kunne vore verre. 5.2
Herman Düne. Me kom litt uti konserten. Dei spelte berre ein halv time. Men det var ein av dagens beste halvtimar. Støy på akustisk gitar er svært undervurdert. 8.9
Islands. Fekk med meg deler på god avstand. Høyrdest bra ut. Litt The Dears. Mange på scena. Fint. 7.8. Kunne vore betre om eg hadde vore nærmare og engasjert meg litt.
Ben Lee. Kjip fyr. Australsk leikepop. Liksomartigper. Høgdepunktet var coveren av Modest Mouse sin Float On, som eg har høyrd før, og som er betre enn alle hans eigne songar. Svakt. 3.8
Wolf Parade. Traurig. Opna med eit kvarters lydsjekk. Med all respekt for at dei vil ha best mogleg lyd, 49 andre band klarte å få det til utan å bruke ein fjerdedel av den oppsatte tida si til dette. Og det blei ikkje betre då dei kom i gang heller. Eg trudde dei var bra, men dei er berre 3.6.
Final Fantasy. Einsam fyr på fiolin og synth, eller noko som likna på synth. Tøft. Litt emo til tider, men tøft. 8.0
The Hidden Cameras. Såg ingenting, men høyrde det heile frå plassen vår på graset like ved scena. Fint. Eg var lite engasjert, men det var vitterleg betre enn mykje anna. 7.4
The Bell Orchestre. Postrock. Ok. Heilt fint. 7.0
Kid Koala. DJ-ing på storskjerm. Vilt. Sprøtt. Fantastisk. Eit av høgdepunkta på festivalen. Vanskeleg å forklare. 9.5
Flaming Lips. Eit enormt barneselskap av ein konsert. Wayne Coyne syng til tider som ei småsjuk kråke. Men han er helt. 9.6
Ben Harper. Eg var trøytt som juling. Tok turen heimover etter nokre songar. Opna med Faded, som truleg er hans beste song. Det måtte gå litt nedover etter det. Det eg fekk med meg var fint nok. 7.2

P.S. Magnus, ver meir på MSN, homie.

all i've got is you're here

2006-08-26T23:23:11Z

Montreal er bra.
List of contents:
.B - Yours truly and sincerely.
.G - B si norske venninne som han kjende fraa foer.
.J - Australsk kinesar som G blei kjend med foerste veka, pluss B sin framtidige roommate. The best Australia has to offer, ifoelgje G.
.M - Sannsynleg framtidig roommate for B og J. Han som har gjeve det beste inntrykket av dei som har vore paa visning.
.3459 St Dominique - Adressa til B, J og kanskje M. Kvalifiserer til tre stjerner i B sin personlege Michelin-guide. Location is off the wall.
.Boreale - Oel som G og J misliker sterkt, men som B tykkjer godt om. B har berre smakt den blonde varianten, og er uviss paa kva dei to andre har smakt. Dei seier det smakar saape. Men det seier folk og om Hoegaarden. Det viser kor mykje folk veit om oel.
.Adapter - Lita sak som B treng for aa kunne bruke sin eigen laptop. Han har foerebels ikkje funne ein slik og maa ta til takke med aa bruke J sin laptop.
.Timing - Noko minst tre av dei nemnde menneska ikkje tykkjer om/ikkje er god paa.

To be continued.

for ever ever

2006-08-23T06:49:59Z

T minus 2hrs 40mins.

the heart knows why i grieve

2006-08-18T00:04:59Z

No har eg vore i Bergen. Eg vil vere der endå. Der er eg ikkje. Er det ein stad eg ikkje er, så er det der. Det er feil, for det er og mange andre stadar eg ikkje er. Og eg er meir i Bergen akkurat no enn eg er, til høves, i Canada.

Men eg er ikkje der.
Emobarometeret kan godt senke seg

Men det får vente til i morgon. Eg skal sove av meg den verste emoniseringa. No skal eg sove åleine. Og det er ein jævla diger edderkopp ein stad på rommet mitt, og edderkopper er alltid mykje verre å ha med å gjere når dei ikkje er der dei var.

Eg har ein venskaphyssing rundt armen. Og eg kjenner at eg på uforståeleg vis har fått i meg eit uvisst tal glas med null komma seks liter øl dei siste tre dagane. Null komma seks liter øl til trettitre kroner er fint. Kunder som kjem bort til baren og seier at dei vil ha null sex er fint. På ein annan måte, men fint.

Eh.

on & on & on & on

2006-08-13T22:28:01Z

Eg reiser til Bergen i morgon, for eit par-tre dagar. Veit ikkje heilt kor eg skal bu endå, men slikt plar ordne seg.

Det er skremmande få dagar att til eg reiser endå lengre. Så langt har eg aldri reist.

Eg er uroleg. Det ligg for mange papir på bordet føre meg. Det ligg for mange viktige papir. Over alt. Eg vil ha eit ark, éitt ark, med alt det viktige på. Helst ikkje, eller helst eit tomt ark, for helst er ingenting viktig. Kan alt slutte å vere viktig? Kan alle slutte å trenge viktige papir? Kan alle papir bli til det papiret eg skreiv mitt femtusensjuhundreogåttiandre ord på?

(Og kan eg seie det eg må seie og kan ho ikkje bli trist av å høyre det?)

1
2

step

the end is coming on it's own

2006-08-10T15:07:01Z

No.
Trur eg at eg har så godt som alle formelle ting i orden. Study permit og Quebec-visa er check. Flybillett, hotell første veka, check. Billetter til Osheaga-festival, double check. Til og med course registration, sjølv om eg fekk heilt andre fag enn dei eg ville ha.
Er og godt i gang med å rippe cd-samlinga til ekstern harddisk, woowoo. Men mykje gjenstår der. Ektern harddisk er kjærleik. Masse plass til masse musikk. Men eg vil gjerne ha herr laptop attende frå reparasjon, Lefdal. Bli ferdige! Kthx.

must be a devil between us

2006-08-05T20:22:42Z

I posten i dag:
.Nytt Visakort, type Skandiabank. Avgiftsfritt, hipp hurra.
.Billetter til festival, type Osheaga, Montreal, første helga i september. Viss du trur eg skal sjå Sonic Youth, Flaming Lips og Dinosaur JR, så skal eg altså det.

På Tou Scene i går:
.Greg Malcolm - Sjokkerande bra fyr som spelte på tre gitarar på ein gong. Resultatet blei noko som kunne minne om ein litt meir lavmælt Lasse Marhaug. Då eg spurde han etterpå om han kjende til Marhaug, kunne han informere meg om at namnet hadde blitt nemnd for han eit utal gonger. Ein del, i alle høve. Eg kjøpte sistealbumet hans, Hung. Det er litt rolegare. Men mykje fin lyd. Fine lydar.
.The Lullabies - Gjespande keisamt.
.Melody Marshals - Blir litt mykje Muse, men dei var forsåvidt fengande og artige å sjå på. Fint med mykje og massiv lyd. Fleire kjende andlet for tidlegare Ullandhaug-elevar, som til høves meg.

På CdConnection.com her om dagen:
.Minutemen - Double Nickels On The Dime
.Morrissey - Vauxhall & I
.Mekons - Edge Of The World
.Liars - Drum's Not Dead
.Sonic Youth - Experimental Jet Set Trash & No Star
Tollfritt. CdConnection var greie fordi eg sende mail og bad deg pent om dei kunne kutte litt på prislappen som Tollvesenet baserer seg på.

Andre ting:
.Eg trur ikkje Motorpsycho har laga mange songar som er betre enn Custer's Last Stand frå It's A Love Cult. Eg skal likevel ikkje utelukke det. Som ein tilleggsopplysing kan eg nemne at Hyena faktisk er betre. Men ikkje mange andre.
.Daydream Nation er likevel Sonic Youth sitt beste album. Eg var lenge i tvil, og er forsåvidt ikkje ute av tvil no heller. Men eg trur det likevel.
.Everything Is Illuminated er, ikkje overraskande, betre i bokform enn i filmform. Likevel var filmen ok.
.Det er kanskje på tide å slå seg laus med Werner Herzog DVD-boksen eg kjøpte ein gong i vår. Det skal eg straks gjere.

warmer for the spark

2006-08-01T20:56:02Z

Eg har truleg klart å lure til med fri torsdag og fredag neste veke, det som elles hadde vore dei to siste jobbedagane mine. Med andre ord kan det sjå ut til at eg får heile to dager lengre ferie, noko som tydar meir tid til å gjere ting eg vil gjere, sjå folk eg vil sjå, reise til stadar eg vil reise til. Eg funderer på å finne ein roleg stad langt utanfor allfarveg neste helg, altså frå torsdag av, og bli der ut helga for å skrive. Noko slikt hadde eg tenkt å gjere ein gong i sommar, men jobbinga tok knekken på dei planane. Eg trur dette er noko eg har lyst til å gjere.

Elles er visumgreier i ferd med å ordne seg, slik det ser ut no. Eg set berre måteleg pris på at visumet til Quebec ikkje inneheld engelsk kopi av alle dokumenta. Knapt nok måteleg.

happydeathsuite @ 2006-07-22T17:35:00

2006-07-22T15:42:09Z

Ting som til høves brått kan kome ein i hende når ein nett har fått rett i underkant av ti tusen kroner i lønn:
.John Coltrane - A Love Supreme
.Miles Davis - Birth of the Cool
.Fugazi - Repeater + 3 Songs
.Animal Collective - Sung Tongs
.Tortoise & Bonnie Prince Billy - The Brave and The Bold
.Everything is Illuminated, film basert på fantastisk bok. Eg er litt skeptisk.

and it's dreadful

2006-07-20T20:38:57Z

Oh my God, they killed Edgar! You bastards!

Oppklaring: For dei, om nokon, som ikkje heng heilt med på moderne popkulturelle referansar, var dette altså ein 24-relatert referanse til South Park.

i'll still be hanging here all day

2006-07-15T19:30:40Z

I min personlege kåring av årets beste låt, er det no nokon som har stukke av frå hovudfeltet, og dei har no minst eit par minutter å gå på. Det skal nemnast, berre for å ha det på det reine, at eg har høyrd svært få album av året 2006. Dei som dannar tetgruppa akkurat no:
Motorpsycho - Hyena
Sonic Youth - Reena

Artig poeng at titlane rimar. Men sikkert lite relevant.

we'll dream, won't we

2006-07-11T20:12:15Z

Saker acquired i perioden dei siste par dagane:
Muzak:
.Scott Walker - Scott
.Motorpsycho - It's A Love Cult
.Sly & The Family Stone - There's A Riot Goin' On
.Pulp - His 'n' Hers
.Sixteen Horsepower - Low Estate
.Super Furry Animals - Phantom Power
.Bill Frisell - Bill Frisell Quartet
Ting:
.Eit par briller
GC-spel:
.Metal Gear Solid: The Twin Snakes
.Metroid Prime 2: Echoes

Og endeleg har eg betalt telefonrekninga mi, som var så mange veker overdue at Combitel ser ut til å ha stengt abonnementet mitt inntil dei oppdagar at rekninga er betalt. Vonar dei oppdagar dette i morgon.

Her om dagen sendte eg inn søknadar på dei to visa eg treng for å studere i Montreal. Eg treng nemleg ikkje berre studentvisum for Canada, slik ein skulle tru. I og med at det er snakk om Quebec - dei skal no vere så vanskelege på det der borte - så må eg ha eit eige visum for Quebec. Vonar dei går i orden. Viss ikkje får eg klare meg med eitt semester der borte, då eg kan vere der i opptil seks månader utan visum. Det er uansett ikkje krise. Men ein får då likevel satse på at alt går som det skal.

Veldig uvant å bruke briller. Alt snurrer og vipper og er rart. Linser er så umerkelege. Brillene er eg førebels heile tida fullt klar over at eg har på meg. Men fint for auga å få pause, skulle ein tru, etter over ni år med plastikkhinne på seg kvar dag.

Sukk. No som eg må stå opp klokka seks kvar einaste vekedag for å gå på jobb, tek eg meg sjølv stadig vekk i å lure på kvifor studentar skal ha mindre rett på sommarferie enn alle andre. Anten må me jobbe for å ha penger å leve for, eller så må me sørge for å skaffe penger på enklare (eventuelt vanskelegare, alt etter som) vis. Det er deprimerande at eg ikkje kan få nytta dei timane eg likar best av alle timane i heile året, sommarnettene altså, til noko anna enn soving. Deprimerande, høyrer dykk.

suggesjon

eg har rissa inn namnet ditt i hjernebarken, som eit monument, som eit
minnesmerke, som ein
hugselapp
som seier meg at berre det seier meg noko ofte nok, så vil det vere sant, så
vil det bli ståande som det endelege svaret, som det einaste rette, som summen
av delane som er deg, summen av hud, brystvorter, navle, kjønnshår, summen av
celler, molekylar, atomar, kvarkar, det endelege uforanderlege produktet av at
du ser på kragebeinet mitt så eg ikkje lenger får puste,
om det berre seier meg noko ofte nok, men kva

no one can ever know which way to head

2006-07-09T22:23:27Z

Og for ein måte å avslutte på. Eg krev eit minutts stillhet for Zidane sin triste sorti. Nokon fotballspelarar er meir enn berre fotballspelarar.

i was out late the other night

2006-07-06T22:02:58Z

Fordi det ikkje skjer noko anna enn jobb, fordi eg er heime åleine i to veker, fordi det er heilt ekstremt varmt, fordi eg må stå opp om seks timar og fordi det ikkje er helg før om femten timar.

brot

Det hender at eg stoppar opp, det hender at eg legg frå meg pennen og ser på
støvkorna som har samla seg nedetter linjene på det grovfibra arket på bordet
føre meg, og tenkjer at dette er ikkje det eg vil skrive, dette er ikkje slik
eg vil skrive det for dette er ikkje meg, tenkjer eg, dette er deg. Eg trekk
pusten hardt, bles vekk støvkorna og tenkjer kven er du og kvifor skriv eg om
deg, og mens eg klemmer pennen mellom tre fingrar og prøver å rette merksemda
mot noko anna, noko vidare, noko nærare, nyttar du høvet til å snike deg inn
att, og eg sit og stirar hardt på dei grove fibra i arket, uvel vitande om
at eg aldri vil bli kvitt deg.

standing by your window

2006-06-23T21:29:26Z

utan ord

Eg sit og ser dårlege fjernsynsreklamar og tenkjer at eg veit ikkje lenger kva
eg skal tenkje, så eg sluttar å tenkje og sovnar kanskje i staden, for no ser
eg deg i augekroken og instinktivt snur eg ikkje hovudet, i frykt for at det
ikkje er du eller at du berre finst i augekroken. Brått kjem eg til å tenkje på
at eg aldri har sett deg andre stader. Du teiknar ei perfekt snakkeboble føre
auga mine, ho er tom, og med eller utan ord seier du sjå på meg. Utan ord spør
eg kvifor, eg veit det er utan ord fordi eg ikkje har sagt eller tenkt orda, eg
berre sit med kjensla av å lure på kvifor, kvifor eg skal sjå på deg, korleis
eg kan vite at du er deg og kven du er om du ikkje er deg. Sjå på meg, seier
du, og framleis heng den perfekte, tomme snakkebobla føre meg og framleis ser
eg deg i augekroken og eg tenkjer at no vil eg vakne, og lukkar auga.

Orsak at eg ikkje har noko meir gjevande å kome med for tida, enn ting eg skriblar på. Det skjer lite for tida. Eg jobbar frå sju om morgonen kvar vekedag, noko som gjer meg nokså inaktiv resten av dagen. Thus, nothing happens. Eg får ikkje ein gong lese vidare i Molloy. Eg har litt problemer med å lese Beckett når eg er trøytt. Og det er eg heile tida. Hmm. What would Arne Næss do?

there's a whisper i'd like to breathe

2006-06-19T20:10:22Z

abstinens

etter kvart traktar eg ei ny kanne kaffi berre av gammal vane, berre fordi eg ikkje kan hugse å ha gjort anna, berre fordi eg ikkje kan anna, og litt etter litt forsvinn alle tankar eg hadde om desse orda og kva eg skulle med dei og alle ord eg hadde om tankar og kva dei stod for og endå om eg kunne sove så kunne eg det ikkje for til og med draumane mine er utmatta av dette, av kaffi og eit gjennomtrengjande fråver, og alt eg kan gjere er å kviskre trommehinnesprengjande dei einaste orda eg framleis skjønar, dei einaste orda eg framleis kjenner til,
(eg saknar deg)

the way she wore her hair then

2006-06-16T15:39:36Z

Å vere heime er på mange måter like bra eller betre enn å ikkje vere det, men det er vel ofte slik at det er dei få måtene som er dei viktigaste. Men likevel. Det er fint her. Gratis mat. Masse mat. God mat. Reint og fint og varmt. Bil. Og eg fann ut i går at eg har erobra førti studiepoeng av type B dette semesteret. Det einaste som gjer meg skeptisk er at eg har eit haustsemester føre meg. Eg er ikkje god på haustsemestere.
Eg har hatt to haust- og to vårsemester på UiB. Haust #1: 30 studiepoeng - B, B og D. Vår #1: 30 studiepoeng - B og B. Haust #2: 20 studiepoeng - C, (C+E=)D og stryk. Vår #2: 40 studiepoeng - (A+C=)B, B og B. Eg trur den same tendensen har vore der sidan ungdomsskulen. Mor mi foreslo at eg kanskje er litt haust/vinterdeprimert. Kan vel hende.

that would be a hollow claim

2006-06-12T22:48:31Z

Starten på sommaren er alltid litt traurig. Folk reiser heim. Snart gjer eg det og. Det er forsåvidt greit, no som andre folk likevel har reist heim. Men i år som i fjor skulle eg ønske eg kunne utsetje sommaren med ein månad. Fordi gode ting alltid skjer på dårlege tidspunkt. Men kvifor?

Snart skal eg gå ut til Nordnesparken. Det er det som er fint med sommarnetter.

a bad idea gone funny

2006-05-31T01:31:00Z

I kveld har eg hatt avslutningskveld med gruppa mi i Stjernesalen. Dei er så søte. Gav meg kort og sjokolademedalje og vinflaske. Eg trudde eigentleg at eg ikkje hadde vore nokon veldig eksemplarisk gruppeleiar - det kan for så vidt hende at eg likevel ikkje har vore det - men dei har no likevel tatt seg tida til å finne på dette for meg. Triveleg. Og overraskande. Og no. Skal eg sove. Godt.